Pasa zen lehendabiziko martxa, eta penaz bada ere, egin gabe utzi behar izan genuen...

Izan ere, larunbatean 134 km erori ziren entrenamenduan, eta eguraldiaren gorabeherak tarteko, inguruan ibiltzea pentsatu nuen...

Igor Babazerekin juntatu eta 164 kilometroko buelta egin genuen, Orokieta, Egozkue, Urkiaga eta Izpegiko portuekin... Zelaian eta maldan behera nahiko poliki ibili ginen, baina gorantza borroka franko izandu zen bion artean...jeje!

Eguneko momentu klabea Urkiagako gainan izan genuen, eguraldia nahiko aldrebesa zegoen, eta Artesiagatik itzuli edo Alduderantz jaitsi , hori zen gure duda... Azkenean jeitsi egin ginen, eta, euria , kazkabarra eta hotza aurkitu genituen Bankaraino iritsi arte...

Baigorrin berriro ere eguraldia ongi zegoen, baina Izpegi igotzen kristoren erauntsia bota zuen, eta gure igoera, nolabait ere mitifikatua geratu zen...

Irteera polita, eta sentsazio onak aldapa gora batez ere, ikusiko dugu aste hau nola joaten den, izan ere, kinto bestak...

Denboraldi berria

Bueno berandu bada ere denboraldi berriari buruzko aurreneko gogoeta egitera noa...
Denboraldi interesgarri bezain arraroa izanen da aurtengoa, izan ere, langabezian egotearen ondorioz, entrenatzeko inoiz baino denbora gehiago izaten ari naiz, baina langabeziak, nire denboraldiaren iraupena ere mugatu eginen du, udan lan egitea tokatuko zait eta...

Baina tira, har dezagun gaur egungo haria... Apirilaren hasieran 5500 km inguru edukitzea ez dago batere gaizki... Gargero fondoa bakarrik egiten genituen egunak pasa eta entrenamendu gogorragoetan sartuak gara, egin ditugu Izpegin gure serieak, baita Otsondon ere, eta inoiz baino hobeki egotearen sentsazioa daukat, sentsazio polita...

Hala ere, oraindik aurtengo helburu izanen den quebrantarako asko falta denez, puntua ez galdu eta ahal bada hobetzea izanen da helburua.

Horretarako igande honetan lehendabiziko martxa izanen dugu, eguraldiak laguntzen badu bederen, Debako itzulia. 160 kmko itzulia da, baina agian Iñakirekin Oriotik eginen dudanez, 220ean geratuko da, urteko 200 kmtik gorako lehendabiziko irteera alegia...

Debaren ondoren beste probak etorriko dira, oraindik ez dakit zeintzu izanen diren gipuzkoako egutegiko frogak, baina agian bakarren bat eroriko da...

Eta gero maiatza dator, Lagos, Luchon-Doneztebe, Irati, Quebranta... baina hori beste historia bat izanen da...